"Os agradecementos sempre se agradecen". Realmente hai moito mais traballo na páxina do que poida parecer. Tanto na parte de creación de contido (a parte que vos podedes ver) como a nivel técnico, dende valorar/probar tódalas alternativas que se nos ocorren antes de adoptar un novo servicio para a páxina, pasando pola edición de vídeo ata, resumindo, facer que todo funcione por "arte de maxia", sen incidencias.

Sempre estamos buscando formas de mellora-lo que temos, adiántovos que agora mesmo estamos traballando nunha nova páxina e nun novo foro. O cambio de foro está a punto de caer, non haberá cambios revolucionarios para vos pero sí será un salto importante para nos: Pasamos a un aloxamento web propio e polo tanto teremos control total sobre o foro, dende a base de datos ata o aspecto final. O tema da páxina principal será mais lento, a nivel funcional apenas hai diferencias. Se ben xa está todo rematado e tódolos contidos incluídos, aínda non estamos moi satisfeitos coa parte "estética" e só daremos o "salto" cando pensemos que o cambio vai a ser para mellor.

Realmente estamos sorprendidos coa boa acollida a nivel de visitas que está a ter a páxina (superámo-las 2000 en menos dun mes de vida). Aínda que estamos moi satisfeitos cos resultados gustaríanos que houbera mais implicación para poder falar realmente de éxito. Aproveitamos para recordarvos que a mellor forma de colaborar é participando xa sexa enviando novas de torneos e resultados, facéndonos publicidade (cantos mais sexamos mais novas recibiremos) ou dándolle vida ó foro para que se convirta en punto de encontro dos aficionados. Pensade que cando a páxina gaña en información, gañamos todos.

Grazas a tódolos mapuches, panderettos, capos, némesis e demais usuarios que estades participando no foro e na páxina. Os comezos sempre son o mais difícil e grazas a vos a cousa empeza a arrancar.

Hmmm eso de que está grabado a final de movemento...haberá que vela, porque total, ó perder edu-gonzalo eu arranquei.. xD